الخميس

البندقية إتكلمت

كلمات محسن الخياط

الحان بليغ حمدى


كلمات الاغنيه


بلدي بلدي يا بلدي

بكل حبي للحياة بلدي وبكل بسمه فوق شفايف ولدى

وبكل شوقي للفجر وشروقي

وبكل نبض الثورة في عروقي

جتلك وأنا ضامم جراح الأمس

حالف لرجعلك عيون الشمس

يا يا يا بلدي

جيش الظلام في يوم ما هاجم فجرنا

جرح السلام زرع الألأم في أرضنا

وقلبنا داست على الجراح وحلفنا ما نسيب السلاح

إلا إن رجعنا بشمسنا و ضحك لينا تانى الصباح

جتلك وأنا ضامم جراح الأمس

حالف لرجعلك عيون الشمس

يا يا يا بلدي

سكت الكلام والبندقية اتكلمت

والنار وطلقات البارود

شدت على ايدين الجنود و اتبسمت

إحنا جنودك يا بلدنا وحبنا

ماشين على طول الطريق اللي رسمناه كلنا

جتلك وأنا ضامم جراح الأمس

حالف لرجعلك عيون الشمس

يا يا يا بلدي

يا شعب يا واقف على باب النهار

قربت بصمودك طريق الانتصار

وزرعت من تانى الأمل في كل دار

وأتجمعت كل الأيادي من كل بيت طلعت تنادى

على الطريق وتقول بلادي

بلادي بلادي أنا نار تحرق أعاديكى

بلادي بلادي أنا دمى نيل يرويكى

بلادي بلادي من غيري اللي هيفديكى

بلادي بلادي ها أستشهد فدى أراضيكى

بلادي بلادي ولا عمري أفرط فيكى

بلادي بلادي وأموت وأنا بهتف بيكى


للتحميل

البندقيه اتكلمت

للاستماع


{ 2 التعليقات... read them below or Comment }

  1. مشكور يا غالي على الكلمات الحلوى
    بالتوفيق انشاء الله

    بلادي بلادي أنا نار تحرق أعاديكى
    بلادي بلادي أنا دمى نيل يرويكى

    ردحذف
  2. يا شعب يا واقف على باب النهار

    قربت بصمودك طريق الانتصار

    وزرعت من تانى الأمل في كل دار

    ردحذف

- Copyright © بليغ حمدي - Skyblue - Powered by Blogger - Designed by Johanes Djogan -